АҚШ ҳукумати жума, 15 декабрь куни мамлакатга визасиз кириш дастурида иштирок этувчи 38 давлатга қўшимча талаблар жорий қилди. Бу ҳақда Reuters ёзмоқда.
Таъкидланишича, эндиликда бу мамлакатлар чегарани учинчи давлатлардан кесиб ўтадиган ўз фуқароларини текшириш учун АҚШ аксилтеррорчилик амалиётлари ҳақидаги маълумотидан фойдаланишлари лозим.
Шунингдек, давлатлар АҚШда қолиш муддати ўтиб кетиши қандай оқибатларга олиб келиши мумкинлигига доир ахборот кампанияларини ўтказишлари керак.
Хусусан, ушбу мамлакатларнинг АҚШда бўлиш муддатини ўтказиб юборган фуқаролари келажакда давлатга визасиз бориш ҳуқуқидан маҳрум этилиши мумкин.
Қўшма Штатлар ҳукумати томонидан ўтказилган тадқиқот маълумотларига қараганда, кўпроқ Греция, Венгрия, Португалия ҳамда Сан-Марино фуқаролари АҚШда бўлиш муддатини ўтказиб юборади.
Бундан ташқари, АҚШ визасиз кириш ҳуқуқига эга мамлакатларни ўз аэропортларида уларнинг “инсайдерлик таҳдидлари”га қарши кафолатлари бўйича ҳам баҳолаб боради.
Шуни таъкидлаб ўтиш жоизки, визасиз кириш дастури асосан Европа мамлакатлари фуқароларига Қўшма Штатларга 90 кунлик муддатга визасиз сафар қилиш имконини беради. 38 давлатдан бўлган фуқаролар АҚШга кириш учун рухсатнома олишининг ўзи етарли.
Эслатиб ўтамиз, аввалроқ АҚШ президенти Дональд Трамп мамлакатга иммиграцион виза лотереяси орқали келаётган одамларни ўз жамиятларининг “ёмонлар ичидаги энг ёмони” деб атаганди ҳамда бу механизмни бекор қилишга чақирганди.
Манба: Kun.uz “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Эрон президенти жиддий баёнот берди: «Исроилдан ҳеч нарса қолмайди»
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Германияда мактаб ўқувчилари оммавий равишда ислом динини қабул қилмоқда
Велосипедда сайр қилиш учун 3 сабаб: ёшартиради, оздиради ва умрни узайтиради
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди