АҚШда кўршапалак сабаб қутуришга мубтало бўлган 6 ёшли бола вафот этди

АҚШлик 6 ёшли болакай Райкер Рок Орландодаги касалхоналарнинг бирида оламдан ўтди.

Хабарда айтилишича, болакайнинг отаси касал кўршапалак топиб олган ва уни челак ичига солиб, болага унга яқин келмасликни қаттиқ тайинлаган. Аммо Райкер ушбу сўзларга қулоқ тутмай, жониворнинг ёнига борди ва кўршапалак боланинг қўлини тирнаб олди.

Боланинг отаси жароҳатни яхшилаб ювиб ташлаган, аммо фарзандининг уколдан қўрқиши сабаб уни касалхонага олиб бормаган. Бола ҳодисадан бир ҳафта ўтиб, қўли қотиб қолган ва бош оғриғидан шикоят қилган ҳолда шифохонага келтирилган. Аммо уни сақлаб қолиш учун жуда кеч бўлганди. «Замин»ни Telegram’да ўқинг!