Қозоғистон совет ҳарбий техникасини экспортга сотишни режалаштирмоқда

Қозоғистон совет ҳарбий техникасини модернизация қилиб, экспортга сотишни режалаштирмоқда. Бу ҳақда парламент Мажилисида ҚР мудофаа ва аэрокосмик саноати вазири Бейбут Атамқулов маълум қилди. Бу ҳақда «Қозоғистон» ҳукумати хабарига таяниб «Tnews» ёзмоқда.

Вазирнинг сўзларига қараганда, Қозоғистондаги ҳарбий қисм омборларида совет давридан қолиб кетган эски ҳарбий техникалар бор. Мана шу техникалар таъмирланиб, модернизация қилиниб ва экспорт қилиниши кўзда тутилмоқда. Реализация қилиб бўлмайдиган техникаларни утилизация қилиш керак. Бу каби чоралар мамлакат ичкарисида қуроллар яширин савдоси пайдо бўлмаслиги учун қўлланилмоқда.

Бундан ташқари, ишлатилмаган қуроллар ва ҳарбий техникаларни сотилиши билан боғлиқ масалани қонун билан мустахкамлаб қўйиш керак. Унга кўра, қуроллар Қозоғистон Мудофаа-саноат мажмуаси ташкилотларида таъмирланади, модернизация қилинади ва экспорт учун сотилади.