Қирғизистонда милицияни полицияга ўзгартириш таклиф қилинмоқда

Қирғизистон бош вазири Сапар Исақов милицияни полицияга ўзгартириш имкониятларини кўриб чиқиш борасида фармойиш берди. Бу ҳақда у “Жиноятчиликдан огоҳлантириш ва хавфсизлик сиёсати” деб номланган конференция мажлисида таъкидлаб ўтди, деб ёзмоқда Tnews.uz сайти.

Исақовнинг фикрича, гап бу ерда ички ишлар органларини механик равишда ўзгариши ҳақида бормаяпти. Унинг айтишича, милиция бу ҳарбийлаштирилган тузилма бўлиб жамоатчиликка таъсири жуда ҳам кам, полициянинг вазифасига эса фуқоролар билан мустаҳкам алоқада бўлиш киради.

«Милиция» номи СССРда ички ишлар идораларига нисбатан қўлланиларди. Иттифоқ тарқалиб кетганидан сўнг собиқ совет республикалари тузилма номини «полиция»га ўзгартиришди. Қозоғистонда қайта номлаш 1998 амалга ошган бўлса, Россияда 2011 йилда милиция полицияга айланди.

2017 йилнинг 9 ноябр куни Қирғизистон бош вазири Сапар Исақов Патрул милицияси Бош бошқармасини тарқатиб юборди ва унинг ўрнида Йўл ҳаракати хавфсизлигини таъминлаш Бош бошқармасини тузди. Янги муассасада яна йўл-пост хизмати полки пайдо бўлди.