Назарбоев футбол бўйича жаҳон чемпионати ўтказилишида Путинни қўллаб-қувватлашга чақирди

Қозоғистон президенти Нурсултон Назарбоев россиялик ҳамкасби Владимир Путинни қўллаб-қувватлаш мақсадида футбол бўйича жаҳон чемпионати очилиш тадбирида иштирок этиш учун Россияга боришини маълум қилди. Назарбоев бу ҳақда 10 июнь куни ШҲТ саммитидан сўнг журналистлар билан бўлиб ўтган учрашувда айтди.

Маҳаллий ОАВнинг хабар қилишича, Қозоғистон президенти эътибор қаратилиши муҳимлиги ва президентларнинг бир-бирларига совға беришлари борасида сўзлади.

«Владимир Путинга келсак, Хитой раиси уни орден билан тақдирлади, мен буни қўллаб-қувватлайман. Бу каби вазиятларда Россия президентини биз қўллаб-қувватлашимиз керак, шунинг учун мен футбол бўйича жаҳон чемпионатининг очилишига бораман. Аслида финал ўйинларига бориш керак, бироқ мен бораман. Айримлар ҳоҳламаяпти, бойкот қилмоқда, — дея ихтибос келтиради ОАВ Назарбоевнинг сўзларидан. — Биз яқин дўстмиз, биз боришимиз керак, яъни давлат раҳбарларининг муносабатлари турлича бўлади, дўстона муносабатларда дўстлик пайдо бўлади, бироқ сиёсатчиларнинг дўстлиги — бу муҳаббат эмас. Сиёсий дўстлик бу инсонийликдир, бироқ, бошқача ҳам бўлиши мумкин».

Қозоғистон президенти шунингдек, ШХТга аъзо давлат раҳбарлари Кенгашининг мажлисида Қозоғистон Хитой томони билан 51та лойиҳа бўйича келишувга эришганини айтди.

Манба: Kun.uz