Австралияда йирик тимсоҳ ушланди

Австралиялик рейнжерлар Кэтрин дараси ҳудудида йирик тимсоҳни ушлашди. Бу ҳақда CTV News'га таяниб Кун.уз хабар бермоқда.

Рейнжерларнинг айтишича, бу Кэтрин дарёсида кузатилган тимсоҳлардан энг каттасидир. Таъкидланишича, одатда бу ҳудуд йиртқичлардан нисбатан хавфсиз ҳисобланади.

Ушланган тимсоҳнинг узунлиги 4,7 метр бўлиб, оғирлиги 600 кгни ташкил қилган.

Кэтрин дараси сайёҳлар орасида оммалашган бўлиб, улар бу ерда чўмилишади, каноэда сузишади ва круизлар амалга оширишади.

Рейнжер Жон Беркнинг айтишича, улар бу ҳудудда 10 йил давомида йирик тимсоҳга ов қилишган. “Бу биз ушлаган энг катта тимсоҳдир”, деб айтган Берк.

Йиртқич тимсоҳлар фермасига жўнатилган.
«Замин»ни Telegram’да ўқинг!