Ироқда "Гўзаллик танлови" ғолибасини номаълум кимсалар отиб ўлдиришди

Модель ва блогер Тару Фарес «Бағдод гўзали» кўрик танлови мутлақ ғолибаси ҳисобланарди. Ироқ пойтахтида Фаресни номаълум кимсалар отиб ўлдирди. 22 ёшли қизни зудлик билан касалхонага олиб боришди. Уч ерини ўқ тешиб ўтган экан. Афсуски, врачлар Фареснинг ҳаётини сақлаб қола олишмади.

Полиция ходимлари ушбу жиноят доирасида суриштирув-тергов ишларини бошлаб юборишди. Дастлабки суриштирувлар натижасида шу нарса маълум бўлдики, Фарес ўққа тутилишидан олдин гаровга олинган экан.

Тару Фарес 2015 йили бўлиб ўтган «Бағдод гўзали» кўрик танловида мутлақ ғолиб бўлган.

Айтишларига қараганда, ўша куни Бағдоддаги гўзаллик салони эгаси ва экспертини ҳам ўлдириб кетишган. Ироқ ҳукумат раҳбарлари бу ишларда гўзал аёллар изидан тушган алоҳида жиноий гуруҳнинг қўли бўлиши мумкинлигини тахмин қилишди.

Жиноятчиларни қидириш ҳаракатлари давом этмоқда.

Манба: Hordiq.uz «Замин»ни Telegram’да ўқинг!