18:44 / 08.10.2018
4 684

Токиода жаҳондаги энг йирик балиқ бозорини ёпишди

Токиода жаҳондаги энг йирик балиқ бозорини ёпишди
Япония пойтахти Токиода жаҳондаги энг йирик балиқ ва балиқ маҳсулотлари бозори “Цукидзи“ ёпилди. Бу ҳақда Анадўлу'га асосланиб Turon24 хабар бермоқда.

Ушбу бозорнинг ёпилишига сабаб “Олимпиада 2020“ мусобақасига тайёргарлик жараёнининг бошлангани ҳисобланади. Шаҳар маъмурияти бозор ўрнида улкан автомобиль тураргоҳини қуришни режалаштирмоқда.

“Цукидзи“ афсонавий балиқ бозори Япония пойтахтида 83 йил фаолият юритган. Бутун дунёдан балиқ ва балиқ маҳсулотларининг асосий савдоси айни шу ерда бўларди.

Жорий йилнинг сентябрь ойи охирида бозор туристлар учун ёпилган эди. 7 октябрь куни эса бозорда охирги улгуржи савдо бўлди. Бозор фаолиятининг сўнгги кунида нархи 4,38 млн иена (38 минг АҚШ доллари)га тенг 160 килограммли тунец балиғи сотилган.

Бироқ, “Цукидзи“ бозори буткул йўқолиб кетмайди. Бозор 2018 йилнинг 11 октябрь кунидан Тоёсу оролида ўз фаолиятини бошлайди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)