09:18 / 10.10.2018
3 694

Турк полицияси Озарбойжоннинг бош ўғрисини ушлади

Турк полицияси Озарбойжоннинг бош ўғрисини ушлади
Истанбул полицияси махсус операция давомида жиноий доираларда Лоту Гули лақаби билан маълум бўлган, Озарбойжоннинг бош “қонундаги ўғриси” Нодир Салифовни ушлади. Бу ҳақда Kun.uz нашри маълум қилди.

Туркияда Салифов ҳақида озарбойжонлик бошқа жиноий “авторитет” Равшан Жаниев ўлдирилгандан кейин гапирила бошланган. Жаниев айнан Салифовнинг кўрсатмаси билан ўлдирилгани гумон қилинади.

Салифов Россия ОАВда Туркияда бўла туриб Россиянинг Калуга вилоятидаги тадбиркорлардан ўлпон йиғаётгани ҳақида маълумот пайдо бўлгандан сўнг Истанбул полициясининг уюшган жиноятчиликка қарши кураш бўлими кўз остига тушган.

8 октябрда Салифов Туркиядан туриб видеоконференция ёрдамида Россиядаги озарбойжонлик тадбиркорларга ўлпон солгани ҳақида маълум қилинган.

Салифов 23 августда Черногорияда қўлга олинган, бироқ қўйиб юборилган. У одам ўғирлаш, товламачилик ва босқинчилик айбловлари билан халқаро қидирувга берилган.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)