5 886
Чеченистон раҳбари Рамзон Қодировнинг маълум қилишича, Аҳмад Ҳожи Қодиров номидаги жамғарма Мутлақ жангчилар чемпионати (UFC) чемпиони Ҳабиб Нурмагомедовга ирландиялик Конор Макгрегор устидан ғалаба қозонгани муносабати билан машина совға қилди. Бу ҳақда Kun.uz хабар бермоқда.
Шунингдек, сиёсатчининг ўз телеграм-каналида қўшимча қилишича, Грозний ҳокими Иброҳим Закриев жангчига «Грозний шаҳрининг фахрий фуқароси» унвонини берди.
Россиялик жангчининг отаси ва мураббийси Абдулманноп Нурмагомедовга «Чеченистон Республикасида хизмат кўрсатган жисмоний тарбия соҳаси ходими» унвони берилди.
Фото: Instagram /@shamilzavurov
Нурмагомедов ва Макгрегор ўртасида ўрта вазн тоифасидаги чемпионлик камари учун жанг 6 октябрь куни Лас-Вегас шаҳрида бўлиб ўтган UFC 229 мусобақасида бўлиб ўтди. Россиялик жангчи тўртинчи раундда бўғиш услуби билан ўз рақибини таслим этди.
Эслатиб ўтамиз, аввалроқ Макгрегор Нурмагомедов билан жанг пайтида ундан узр сўрагани хабар қилинганди. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
22:11, 8-05-2025
