15:22 / 18.10.2018
2 416

Испания қироли Мадрид метросига тушди (фото)

Испания қироли Мадрид метросига тушди (фото)
Фото: «РИА Новости»
Испания қироли Фелипе VI Мадрид метросига тушди ва унда «Туз» бекатидан «Чамартин» бекатигача борди. Тахминан шу йўналиш бўйлаб унинг бобосининг отаси қирол Альфонсо XIII Мадрид метросининг биринчи поездида 99 йил аввал — 1919 йилнинг 17 октябрида, метронинг расмий очилиш кунида ҳаракатланган. Бу ҳақда «РИА Новости»га таяниб Дарё хабар берди.

Қўриқчилар билан ўраб олинган давлат раҳбарини вагондан чиққан кўп сонли хорижлик сайёҳлар танимади, шу вақтда қирол ҳам вагонга кирган. Бироқ қарама-қарши платформадаги йўловчилар давлат раҳбарини кўриб, «Яшасин Испания!», «Яшасин қирол», деб қичқиришни бошлаган.

Фото: «РИА Новости»
Давлат раҳбари метродаги сафарини мамлакат саноат вазири Реес Марото ва Мадрид ҳамжамияти ҳукумати раҳбари Анхель Гарридо ҳамроҳлигида амалга оширган. «Чамартин» бекатига етиб боргач, қирол «Тарихий поездлар» кўргазмасини кўздан кечирган. Кўргазмага Мадрид метрополитени поездлари, шу жумладан, унинг бобоси 99 йил аввал ҳаракатланган поезд ҳам қўйилган.

Фото: «РИА Новости»
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)