Британиянинг BBC телеканали журналистлари ҳалок бўлаётган пингвинларни қутқариш йўлида ҳужжатли фильмни тасвирга олиш жараёнини тўхтатишга қарор қилди, деб ёзади «Дарё».
«Сулолалар» фильми муаллифи Дэвид Аттенборо жамоаси билан Антарктидада қаҳратон қишда жон сақлашга уринаётган император пингвинлари гуруҳи устидан кузатув олиб бораётган эди. Суратга олиш жараёнида бўрон галанинг бир қисмини тик деворли жарликка ҳайдади, у ердан тепага чиқиб олиш қийин эди. Баъзи она пингвинлар жарликдан чиқиб олди, аммо полапонлар пастда қолиб кетди.
Суратга олиш гуруҳи бир неча кун давомида пингвинчаларнинг ўзини тутишини кузатди. Охир-оқибат қушлар ўзлари тушиб қолган қопқонда нобуд бўла бошлагач, улар журналистлик принципларидан оғишиб, ҳодисаларнинг табиий ривожланишига аралашишга қарор қилди.
«Биз бу ҳақда кўп ўйладик ва пандус (нишаб йўлка) қазиб қўйишга қарор қилдик», — деди жамоа аъзоларидан бири.
Пировардида полапонлар жарликдан чиқиб олди. BBC томошабинлари ижтимоий тармоқларда журналистларни мақтовлар билан сийлади. Уларнинг фикрича, жамоа қарори озуқа занжирини ўзгартирмаган, аммо пингвинларга омон қолиш учун имкон берган.
“Замин” янгиликларини “Twitter”да кузатиб борингI can’t watch ?#Dynasties pic.twitter.com/xoo7jDJbcl
— BBC Earth (@BBCEarth) November 18, 2018
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Украина аскарлари Зеленскийнинг баёнотига кутилмаган муносабат билдиришди
Эксперт: Путиннинг сайловдаги ғалабаси Ўзбекистон билан муносабатларни мустаҳкамлайди
Путиннинг ишончли вакилига суиқасд қилишга уриниш бўлди
103 ёшли италиялик аёл ҳайдовчи жаримага тортилди
Хурмонинг қандай фойдали хусусиятлари мавжуд?
Путиннинг навбатдаги олти йиллик бошқаруви Россия ва дунёга нима олиб келади?
Пермдаги сайлов участкасида портлаш юз берди
Қирғизистон президенти масжидда намоз ўқиб, ифторлик берди