Бош вазирнинг собиқ ўринбосари қўлга олинди

Қирғизистон бош вазирининг собиқ ўринбосари Дуйшенбек Зилалиев ноқонуний равишда бойишда гумонланиб қўлга олинди.

Таъкидланишича, Зилалиев мол-мулки ҳақидаги декларациялар текширувдан ўтказилганидан кейин қўлга олинган.

«Аниқланишича, [гумонланувчида] келиб чиқиш шубҳали ва аниқланмаган, йирик пул маблағлари кўринишидаги активлар ҳамда мулклар бор. Улар унинг расмий даромадларидан сезиларли даражада кўп», – дейилади хабарда.

Аввалроқ Қирғизистон президенти порахўрлар омма олдида шарманда қилиниши кераклигини айтганди.