21:00 / 24.05.2020
4 184

Бутун дунё бўйлаб 24 май тонгига қадар коронавирусга чалинганлар бўйича маълумотлар эълон қилинди

Бутун дунё бўйлаб 24 май тонгига қадар коронавирусга чалинганлар бўйича маълумотлар эълон қилинди
24 май ҳолатига кўра, бутун дунё бўйлаб коронавирусга чалинганлар сони 5,3 миллион кишидан ошиб кетди. Пандемия дунёнинг 188 давлатида қайд этилган. Бу ҳақда касаллик тарқалишини реал вақтда кузатиб бораётган Жонс Ҳопкинс университети маълумотларида келтирилган.

Маълумотларга кўра, дунёда коронавирус билан касалланганлар сони 5 311 089 кишига етган. Ўтган бир сутка ичида касаллар сони 99,5 минг кишига ортган. Пандемия бошланганидан буён ҳозирга қадар 342 104 бемор коронавирус қурбонига айланган, 2,11 миллион киши соғайган.

Коронавирусдан энг кўп жабр кўрган давлатлар — АҚШ (1,62 миллион касал) ва Бразилия (347,3 минг). Рейтингнинг учинчи поғонасидан 335,8 минг кўрсаткич билан Россия жой олган, ундан кейинги ўринларни эса Буюк Британия (258,5 минг) ва Испания (235,2 минг) эгаллаб турибди.

Дунёда COVID-19 коронавирус инфекцияси оқибатида вафот этганлар сони бўйича ҳам АҚШ етакчилик қилмоқда — 97 087. Шу билан бирга, Европа давлатларида антирейтингнинг етакчиларида кузатилаётган ўлим даражаси 10 фоизга ортиқроқ.

Россияда ўтган бир сутка ичида 9434 минг кишида коронавирус аниқланган. Мамлакатда ҳозирга қадар 107 мингдан ортиқ бемор соғайган бўлса, 3388 бемор вирус қурбонига айланган. Бутун мамлакат бўйлаб пандемия бошланганидан буён коронавирусга 8,1 миллиондан ортиқ тест ўтказилган.

Ўзбекистонда 24 май соат 10:00 ҳолатига кўра, коронавирус инфекцияси қайд этилганлар сони 3132 нафарга етди. Мамлакатда коронавирусга чалинганларнинг 2532 нафари соғайган, 587 нафар бемор даволанишни давом эттирмоқда, 13 нафар бемор эса коронавирус инфекцияси асоратлари оқибатида вафот этган.

Манба: Daryo.uz

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Бутун дунё бўйлаб 24 май тонгига қадар коронавирусга чалинганлар бўйича маълумотлар эълон қилинди