«Севги изтироби» фильми юлдузи Неслиҳан Атагул турмуш ўртоғини ишга олди

^{Фото: Instagram / @neslihanatagul}
Туркиялик таниқли актриса Неслиҳан Атагул турмуш ўртоғи Кадир Доғулуни иш билан таъминлади, деб хабар беради «Rusturkey.com».
Қайд этилишича, Неслиҳан турмуш ўртоғига ўз менежери сифатида фаолият юритиш имконини берган.

«Мен аввалги менежерим билан бошқа ишламайман, аминманки турмуш ўртоғим бу вазифани яхшироқ уддалайди», — деган актриса.
Неслиҳан турмуш ўртоғига қанча ойлик бериши ҳақидаги саволга жавоб беришни истамаган. Бироқ Кадир Доғулу ишни хайрихоҳ тарзда бошлашга рози бўлган.

^{Фото: Instagram / @neslihanatagul}
Маълумот учун, Неслиҳан Атагул ўзбек томошабинларига «Севги изтироби» ҳамда «Ишқ соҳиллари» каби сериаллардаги ижроси билан танилган.

Манба: Daryo.uz