БААнинг Абу-Даби амирлиги хорижий сайёҳларнинг амирликка кириш қоидаларини қайта кўриб чиқиб, пандемия сабабли киритилган баъзи чекловлар 24 декабрдан бекор қилинишини эълон қилди. Бир қатор давлатлар, жумладан Ўзбекистоннинг амирликка келувчи фуқаролари 2 ҳафталик мажбурий карантинни ўташдан озод қилинди.
Al Arabiya телеканалининг Абу-Даби матбуот марказига таяниб хабар беришича, 2 ҳафталик мажбурий карантиндан биринчи навбатда “яшил рўйхат”га кирувчи давлатлар фуқаролари озод қилинади. Гап амирликка Ўзбекистон, Австралия, Бруней, Ветнам, Греция, Гренландия, Ҳонгконг, Хитой, Мавритания, Малайзия, Янги Зеландия, Саудия Арабистони, Сингапур, Тожикистон, Тайван, Таиланддан келувчи сайёҳлар ҳақида бормоқда. Ушбу рўйхатда бўлмаган давлатлар фуқароларига карантин муддати 10 кунгача камайтирилган.
Барча сайёҳлар амирликка кириш учун 96 соатдан ошмаган вақт ичида топширилган манфий ПЦР-тест тақдим қилишлари ва у ерда яна битта тест топширишлари лозим. Бундан ташқари, амирликда кўпроқ муддатга қоладиган хорижликлар бир неча кундан кейин такрорий ПЦР-тест топширишлари керак бўлади. Аввал такрорий тестлар амирликка келгандан кейин 4- ва 8-кун топширилган бўлса, энди 6- ва 12-кун топширилади.
Амирлик маъмуриятида маълум қилинишича, “яшил рўйхат” ҳар 2 ҳафта қайта кўриб чиқилади.
Шу билан бирга, Абу-Даби БААнинг бошқа амирликларидан келувчилар учун ҳам бир қатор чекловларни енгиллаштирган. Жумладан, бу енгиллаштиришлар ПЦР-тестнинг амал қилиши ва унинг такрорий топширилиши муддатлари билан боғланган. Бундан ташқари, савдо ва кўнгилочар марказлар, ресторанлар ва болалар боғчаларига қўйиладиган санитар талаблар янгиланган.
Хорижликларнинг кириши учун Абу-Дабидагидан ўзгача қоидалар амал қилувчи Дубай амирлигида эса 23 декабрдан коронавирусга қарши бепул эмлаш бошланади.
БААда пандемия бошидан бери 195 мингдан кўпроқ касалланиш ҳолати қайд қилинган. Бу вақт ичида коронавирусдан 642 киши вафот этган. Айни вақтда мамлакатда 23,8 минг киши вирусдан даволанмоқда. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зоир Мирзаев “Телефонсиз мактаб”га 300 млн сўм мукофот берди
Мария Захарова украиналикларни Америка ҳиндуларига ўхшатди
Германияда мактаб ўқувчилари оммавий равишда ислом динини қабул қилмоқда
Велосипедда сайр қилиш учун 3 сабаб: ёшартиради, оздиради ва умрни узайтиради
Россия дунёдаги биринчи водород ёқилғили автомобилни тақдим этди
“Толибон” Афғонистоннинг Хост вилоятида беш нафар фуқарони қамчи билан жазолади
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Америкалик олимлар барча учун бирдек фойдали жисмоний фаоллик турини аниқлади
