08:39 / 20.06.2021
2 466

Россияда самолёт ҳалокатга учради

Россияда самолёт ҳалокатга учради

Кемеровадаги Танай аэродромидан ҳавога кўтарилгандан кўп ўтмай, бортида 19 киши бўлган енгил моторли L-410 самолёти қулаб тушди.

Ғарбий Сибир транспорт прокуратураси маълумотларига кўра, учувчилардан бири двигателнинг ишдан чиққани ва аэродромга қайтиш тўғрисида қарор қабул қилгани ҳақида хабар берган.  Бироқ, пастга тушаётганда самолёт дарахтга урилиб, Журавлево қишлоғи яқинида ерга қулаб тушган.

Самолёт бортида 19 киши, жумладан, иккита учувчи ва иккита парашютчи мураббий ва 15 нафар сакрашга тайёрланаётган парашютчилар бўлган.

Расмий маълумотларга кўра, учувчилар ҳам, мураббийлар ҳам ҳалок бўлган. Ҳозирги пайтда тўрт киши қурбон бўлгани маълум қилинган.  Бундан ташқари яна тўрт кишининг аҳволи оғир, яна тўрт киши ўртача аҳволда экани айтиб ўтилмоқда.  Қолган десантчилар ҳам турли даражада тан жароҳатлари олишган. Ижтимоий тармоқларда гувоҳлар фавқулодда вазият содир бўлган жойдан видео лавҳаларни жойлаштирганлар.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » Россияда самолёт ҳалокатга учради