Совуткич зилзилада қутқариб қолиши мумкинлиги рад этилди

^{Фото: Tengrinews}
Ижтимоий тармоқларнинг қозоқ сегментида совуткич (холодилник) зилзила пайтида одамлар ҳаётини сақлаб қолиши мумкинлиги ҳақидаги хабар тарқалди. Илова қилинган суратларда совуткич гўё қулаб тушган оғир шифтларни ушлаб тургани тасвирланган.

«Туркияда ишлаётган ФВВ ходимларимиз зилзила содир бўлганда энг хавфсиз жой совуткичнинг ёни эканини маълум қилмоқда», дейилади хабар матнида.

«Мана совуткич яқинидаги хавфсиз жой. Мен совуткич ёни мутлақо хавфсиз деб айтолмайман. Лекин қаранг, қанча хонадонларни кўрдик, шифт доимо совуткич устида туради. Бундан ташқари, совуткичда овқат ва сув бор. Қаерга борманг, ҳамма жойда шу ҳолат. Унинг устида 10-15 қатлам бетон плита турибди, лекин ҳаммасини ушлаб турибди», дейди аудиохабарда эркак овози.

^{Фото: Tengrinews}
Қозоғистон Фавқулодда вазиятлар вазирлиги матбуот хизмати қозоғистонлик қутқарувчилар бу маълумотларнинг тўғрилигини тасдиқламаганини маълум қилди.

«Биз Туркияда ишлаётган ходимларимиздан сўрадик. Улар ҳеч қачон бундай нарсани кўрмаган. Балки бу бошқа вилоятларда олинган суратлардир. Шунинг учун биз бу маълумотни тасдиқлай олмаймиз, шунингдек, рад эта олмаймиз», дейилади хабарда.

Қозоғистон ФВВ вакили Руслан Имонқулов сўзларига кўра, совуткич оғир плиталарни ушлаб туриши даргумон.

«Агар ушбу фотосуратларга қарасангиз, совуткич юқоридан бу плиталарни ушлаб турмаганини кўришингиз мумкин. Балки бетон плиталарнинг оғирлиги унчалик катта бўлмаган энг юқори қаватларда совуткич назарий жиҳатдан бу оғирликни кўтара олиши мумкин. Лекин, совутгич нимадан ясалганига қаранг: ичи пластмассадан, ташқи томони эса юпқа металл қатламдан иборат. У оғир плиталарни ушлаб тура олиши даргумон», деди у. “Замин” янгиликларини “Инстаграм”да кузатиб боринг