Аёлларга эркакларга қараганда ўртача 20 дақиқа кўпроқ уйқу керак. Бу ҳақда Лафборо университети олимлари томонидан ўтказилган тадқиқотга таяниб, CBS News хабар берди.
Университет профессори Жим Хорннинг сўзларига кўра, “аёл мияси” эркак миясидан бироз бошқача тузилган. Хусусан, аёллар бир вақтнинг ўзида бир нечта ишларни бажаришга одатланган — шунинг учун уларнинг мияси эркакларникига қараганда тезроқ ишлайди.
Тадқиқот доирасида мутахассислар Буюк Британиянинг 200 дан ортиқ аҳолиси хулқ-атворини ўрганиб чиқди. Натижада эркаклар кунига ўртача олти соат ухлаши керак, деган хулосага келинди. Аёлларга эса 20 дақиқа кўпроқ уйқу зарур. Бундан ташқари, уйқу етишмаслиги аёлларга кучлироқ таъсир кўрсатади: улар жиззаки бўлиб қолади, тез-тез стресс ёки тушкунликка тушиши мумкин.
Бу аёл миясининг эркак миясидан тезроқ ишлашини исботловчи ягона тадқиқот эмас. Миннеаполисдаги Фахрийлар тиббиёт маркази шифокори аёллар ҳақиқатан ҳам маълумотни эркакларга қараганда тахминан беш баробар тезроқ қайта ишлашини таъкидлаганди. Шунингдек, аёл мияси ўз ресурсларининг камроқ қисмини ишлатади.
Аввалроқ америкалик олимлар кечаси қўшимча 46 дақиқа ухлаш инсоннинг стрессга бардошини ошириши ва умумий соғлиғини яхшилашини аниқлаган. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
