Астролог Тамара Глоба келаётган сентябр ойи айрим Бурж вакиллари учун унутилмас ва ажойиб воқеаларга бой бўлишини маълум қилди. Унинг таъкидлашича, кузнинг бошланиши нафақат янги циклни, балки фаоллик ва янги имкониятлар даврини ҳам ифода этади.
Ёзги бепарволик ортда қолиб, сентябр инсонларнинг ҳаётида ҳаракат ва янги мақсадлар қўйиш билан узвий боғланади. Астролог фикрича, айнан шу ойда қилинган меҳнат ва саъй-ҳаракатлар ўз самарасини тез орада бериши мумкин. Муҳими — асосий йўналишга эътибор қаратиш ва арзимас ишларга вақт йўқотмасликдир.
Глоба айрим белгиларга, хусусан Эгизаклар, Арслон ва Ёйларга сентябр ойи катта янгиликлар ва ўзгаришлар олиб келишини алоҳида таъкидлади.
Эгизаклар
Сентябр ойи Эгизаклар учун серқирра ва таассуротларга бой давр бўлади. Улар мулоқотчанликлари орқали янги танишлар топиб, ўзига фойда келтирадиган лойиҳаларда иштирок этишади. Музокараларда муроса излаш ва мулойимлик билан ёндашиш муҳим аҳамият касб этади.
Иш соҳасида ҳам мартабага таъсир қиладиган муҳим учрашувлар кутилмоқда. Шу билан бирга, кутилмаган таклифлар ва вазиятлар ўзгариши мумкин, бу эса Эгизаклардан мослашувчанлик талаб қилади.
Шахсий ҳаётда ёрқин таассуротлар, дўстлар билан саёҳатлар ва қизиқарли учрашувлар бўлиши мумкин. Соғлиқ учун эса танаффус қилиб, дам олиш йўлларини топиш тавсия этилади.
Арслон
Арслонлар сентябрда узоқ кутилган эътироф ва тан олишга эришишади. Раҳбарият ва ҳамкасблар уларнинг меҳнатини қадрлайди, бизнес шериклар эса фаолиятга ишонч билдиришади. Янги вазифаларда тинимсиз меҳнат талаб этилади, аммо ортиқча юкдан қочиш керак.
Шахсий ҳаётда романтик муҳит устувор бўлади: театрлар, музейлар ва турли маданий тадбирларга ташриф буюриш муносабатларни янада мустаҳкамлайди.
Молия соҳасида кутилмаган харажатлар бўлиши мумкин, масалан, Арслонлар ўз индивидуаллигини намоён этувчи буюмлар сотиб олишлари эҳтимол. Ижодий руҳдаги Арслонлар саҳнага чиқиш ёки уйда спектакль тайёрлаш орқали ўзини кўрсатиши мумкин.
Ёй
Сентябр ойи Ёйлар учун янги уфқлар эшигини очади. Улар ўзларини ривожлантириш, янги кўникмалар эгаллаш ва ноодатий йўлларни синаб кўришни хоҳлашади. Масалан, чет тилини ўрганиш ёки хорижда алоқалар ўрнатиш мумкин.
Ҳамкасблар бундай ташаббусларга шубҳа билан қараши мумкин, аммо натижада бу саъй-ҳаракатлар катта самара келтиради.
Шахсий ҳаётда романтика ва ҳиссиётлар кучаяди. Қисқа саёҳатлар муносабатларга янги нафас бағишлайди.
Молиявий жиҳатдан ҳал қилувчи қарорлар қабул қилишга тўғри келади: таълимга сармоя ёки саёҳатга чиқиш каби. Соғлиқ борасида жиддий муаммо кутилмайди, аммо профилактик чораларни кўриш тавсия этилади.
Шу тариқа, сентябр ойи Эгизаклар, Арслон ва Ёйлар учун ҳаётда янги имкониятлар эшигини очиши, уларни катта ўзгаришлар ва ёрқин воқеаларга олиб келиши кутилмоқда.
«Замин»ни Telegram’да ўқинг!
