Нега чивин чаққанда тери қичийди?

Ёзнинг энг безовта қиладиган “меҳмонлари” – чивинлар. Улар чаққандан кейин терида қизариш, шиш ва қичишиш пайдо бўлади. Лекин бу ҳолатнинг сабаби нима?

Чивин чаққанда, унинг оғзи орқали махсус шиллиқ – слюна тери остига кириб боради. Унинг вазифаси – қоннинг тез ивиб қолишини тўхтатиш. Аммо инсон организми бу моддани “бегона” деб қабул қилади ва ҳистамин (гистамин) номли моддани ишлаб чиқаради. Ҳистамин капиллярларни кенгайтиради, натижада теримиз қизаради ва қичишиш пайдо бўлади.

Қизиқ томони шундаки, ҳар бир одамда чивинга реакция турлича:

• Кимдир фақат озгина қизариш ҳис қилади.
• Бошқаларда кучли қичишиш ва катта шиш пайдо бўлади.

• Балки сиз ҳам кузатган бўлсангиз, баъзи одамлар “чивинга ёқмайди” – уларни деярли чақмайди. Бу организмдаги биокимёвий моддалар фарқи билан боғлиқ.

Нима қилиш керак?

• Совуқ компресс қўйиш қичишишни камайтиради.
• Антигистамин мазь ёки гельлар енгиллик беради.

• Асал ёки сода эритмаси ҳам халқона ёрдамчи восита.

Шунинг учун чивин чаққанида қичишиш – организмнинг табиий ҳимоя реакцияси эканлигини билиб қўйинг.

Чарос Заркараева

«ЗАМИН.УЗ» муҳаррири