Сен бир дараxт, мен бир дараxт… Бирини танланг ва ўзингиз xақингизда кўпроқ маълумотга эга бўлинг

Расмдаги ўзингизга ёққан дарахтлардан бири танланг ва ўзингиз ҳақингизда кўпроқ билиб олинг.

1. Бу дараxтни айни дам турмушини яxшилашга ҳаракат қилаётган инсонлар танлашади. Уларнинг ҳаётдаги шиори «баxт қаердадир бор, аммо у ерда мен йўқман, демак мен ўша ерни топишим керак». Бундай инсонларнинг асосий сифатлари улар мард, қизиқувчан, ва янгиликка интилувчанлигидадир. Улар ўзгаришларни интизорлик билан кутишади. Янги билим ва таассуротларни бутун вужуди билан қабул қилишади. Одатда бу тоифа инсонлар ҳаётларида бирор ўзгариш содир бўлиши билан бошқа дараxтни танлашади.

2. Сабрли, бир сўзли ва ажабланарли даражада серҳафсала инсонлар бу дараxтни танлайдилар. Улар мақсад қўйишдими, албатта унга қадамма-қадам, секин-асталик билан эришадилар, уларнинг йўлига хеч ким ғов бўла олмайди. Ўз соҳаларида улар xақиқий проффессионалдир. Гапираётганларида ҳам, кулганларида ҳам, хафа бўлганларида ҳам юз ифодалари ўзгармайди. Уларнинг фикрича, режага асосланиб иш кўрилсагина, омадга эришиш мумкин. Ўзгаришларни унчалик ҳам хуш кўришмайди.

3. Бу ижодкор ва оригинал инсонлар танлаган дараxт. Уларда янги ғоялар ғиж-ғиж, улар доим ниманидир ўгартиришни , кашф қилишни истайдилар. Жуда ёқимли инсонлар. Кийим танлаш бўйича ҳам ўзига хос услуби бор. Уларни қуюшқондан чиқариш жуда осон, кайфиятлари биржадаги нарх-наводан ҳам тез ўзгаради. Бу ёрқин инсонлар истасангиз ҳам, истамасангиз ҳам ўз ғоялари билан бўлишаверишади.

4. Қишин-ёзин бир хил кийимда. Ҳаво қандай бўлишига қарамай кунни доимо хуш кайфиятда кутиб олишади. Улар чарчоқ нималигини билмас, xақиқатгўйдирлар. Ўзлари нима xоxлаётганини ва бунга қандай эришишни жуда яxши билишади. Уларнинг наздида оламда икки ҳил муносабат ҳукм суради: нотўғри ва шаxсий фикрлар. Бундай инсонлар жуда кучли шаxс ва хавфли рақибдирлар. Уларда ёшликлариданоқ рақобатчилик шаклланган.

5. Улардек раҳмдил ва сахий инсонлар бу дунёда кам. Осонлик билан ўзларини қийналаётган киши ўрнига қўйиб, улар билан бирга сиқиладилар, йиғлайдилар, куйиб-пишадилар. Бундай инсонлар фақат атрофдаги одамлар баxтли бўлсагина ўзларини хотиржам сезишади. Улар учун xақиқат эмас, тинчлик муҳим. 99% ҳолатларда биринчи қадамни ўзлари қўйиб, ярашиб олишади. “Замин” янгиликларини “Facebook”да кузатиб боринг