Нима учун кўз «учади»?

  • 26 февраль 2017, 07:27
  • 17 228
  • Ҳаёт тарзи
  • Нима учун кўз «учади»?

    Кўзнинг асабий учиши — кўз мушакларидаги асаб толаларининг ҳаддан ташқари зўриқиши оқибатида юзага келадиган спазма ҳолати. Бу мақолада кўзнинг асабий учиш ҳолатини келтириб чиқарувчи асосий сабаблар келтирилган.

    Ҳаддан ташқари кўп қаҳва ичасиз

    Бир кунда бир неча марта қаҳва ичиш кўз учишининг сабаби бўлиши мумкин. Кофеин таъсирида мушаклар тортилиб туради. Бундай ҳолатнинг олдини олиш учун қаҳва ичишни камайтиринг.

    Сизда стресс

    Тана стрессни ҳар хил усулда билдиради, асабий учиш бу усулларнинг биридир. Унда стресснинг сабабларини ўрганиб муаммони бартараф қилиш лозим бўлади.

    Сизда аллергия

    Агар сизда аллергияга мойиллик бўлса, кўзнинг учиши ҳам шиш ёки қичишиш каби пайдо бўлиши мумкин. Шифокорлар кўзга вақтинча антигистамин кўз томчилари томизишни тавсия қилишади.

    Уйқуга тўймайсиз

    Қовоқ мушаклари танадаги энг сезувчан ва энг нозик аъзолардан биридир. Агар уйқу кам бўлса, кўзлар чарчайди ва кўз атрофидаги мушаклар пир-пир уча бошлайди. Бу муаммони бартараф этишнинг йўли – ухлашга эртароқ ётиш ва суткасига 8 соатдан кам ухламаслик.

    Сизга бошқа кўзойнак керак

    Агар кўзларингиз китоб ўқиш вақтида учса, окулист ҳузурига бориш зарур бўлади.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    Қолдирилган фикрлар (1)

    1. Лола 26 июня 2019 21:04
      Ассалому алейкум кўз учуши сабаби, бу саволга жавобни сизлмрдан топдим рахмат.Мани кўзим 1йилча учиб юрди, ҳар минутда.Давосини сабабини тополмадим.Мана ҳозир рамазон ойи рўзасини бир ой тутиб тугатганимда кўзим учуши йўқолди.Негаки ман бир ой кофе ичмадим, кўз учишига сабаб кўп кофи ичиш ҳам бўлади депсизлар, ман кунида 3 маҳал кофе ичардим.Сабаби шу эканда Раҳмат сизларга.
      0
    » » Нима учун кўз «учади»?