Одамни тўғриладим – дунё тўғриланди

Ҳафта давомида ишлаб чарчаган одам, якшанба куни чарчоғини чиқариш мақсадида, креслога суяниб газета варақлаётган эди.

Шунда унинг ёнига ўғилчаси келиб:
-Дадажон, бугун истироҳат боғига айлантиришга олиб боринг – деб қолди.

Аксига олиб, ўғлига дам олиш куни айлантиришга олиб боришга ваъда бериб қўйган, лекин бугун уйдан чиққиси келмаётган эди.

Шунда хаёлига ажойиб фикр келиб қолди. Газетага илова сифатида берилган дунё харитасини олди-да, қайчида кесиб бўлакларга бўлиб ташлади. Кейин ўғлига шу харитани тўғри йиға олса, айлантиришга олиб чиқишини айтди.

Манаман деган география олими ҳам кечгача бу харитани йиғиши жуда мушкул – деб ўйлаб ўтирар эди. Орадан 10 дақиқа ўтар ўтмас, ўғли отасига харитани йиғиб бўлганини мақтаниб айтди. Дадаси бориб қараса ҳақиқатдан ҳам харита бехато йиғилган эди.

- Буни қандай амалга оширдинг? – деб сўради ҳайратдан ёқа ушлаган ота.

Бола ҳеч тараддуд қилмасдан:
- Бу хаританинг орқасида бир одамнинг расми бор экан. Мен одамни тўғри йиғиб чиққан эдим, дунё ўз-ўзидан тўғриланиб қолди ва шу ҳолга келди... – деб жавоб берди.

Манба: Azon.uz “Замин” янгиликларини “Telegram”да кузатиб боринг