Қаҳва ҳақидаги илмий маълумот Институти (ISIC) мутахассисларининг аниқлашича, ушбу ичимликни истеъмол қилиш инсулинга боғланган диабет касаллиги (2-турдаги диабет) хавфини камайтиришга ёрдам беради. Бу ҳақда EurekAlert!’даги матбуот учун хабарномада айтилган.
Олимлар қаҳва ва метаболик касалликлар ўртасидаги боғлиқликка алоқадор 30 та тадқиқот маълумотларини таҳлил қилишди. Уларда жами 1 185 210 киши иштирок этган. Маълум бўлишича, кунига 3-4 чашка қаҳва истеъмол қилиш ҳам аёлларда, ҳам эркакларда 2-турдаги диабет пайдо бўлиш хавфини 25 фоизга камайтиради. Шу билан бирга, кофеинсиз қаҳва ҳам фойдали таъсирга эга.
Мутахассисларнинг фикрига кўра, ичимлик яллиғланишга қарши таъсир кучига эга, антиоксидант эффекти мавжуд, ичак микрофлорасига ижобий таъсир кўрсатади, шунингдек, ёғни йўқотишга ёрдам беради. Тадқиқотлар шуни кўрсатдики, қаҳвада кофеин, кофеин кислотаси, гидроксикорик кислоталар, тригонеллин ва дитерпенлар, шу жумладан, яллиғланишга қарши таъсирга эга кефестол ва кахвеол каби кўплаб фойдали моддалар мавжуд. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда ўтган уч ойда қанча автомобиль ишлаб чиқарилган?
Рамзан Қодировнинг 19 ёшли қизи медаль билан тақдирланди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Швейцария президенти Путинга мактуб йўллади
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Зоҳида Умарова нима сабабдан ўғли ва келини билан бирга яшамаслигини айтди
Футзал. Осиё Кубоги. Тожикистон Японияни гуруҳда қолдирди