Ўн икки ёшларда эдим. Мактаб харажатларимни топиш учун уйма-уй газета тарқатар эдим. Шу он исмини эслолмайдиганим кекса хоним менинг мижозим эди. Менга кечира олиш борасида жуда чиройли ва унутилмас сабоқ бердики, умид қиламанки, мен ҳам бир куни кимгадир айни ҳиссиётларни шундай гўзаллик билан туҳфа этаман.
Зерикарли, шанба куни эди. Ўртоғим билан кекса хонимнинг уйи орқасидаги боғчада бир бурчакка яшириниб олганча томга тош ота бошладик. Қўлимиздан учган тошлар тунукадан думалаб пастга тушишини осмондан думли юлдуз тушаётганини томоша қилгандек кузатиб завқланардик. Думалоқ тош олдимда, бор кучим билан томга ирғитдим. Аммо тош бу сафар томга эмас, эшикнинг ойнасига тегди. Ойна синганини товушини эшитган заҳотимиз, яширинган жойимиздан учиб чиқиб қочдик. Кекса аёл бизни кўриши мумкин эмасди. Тун бўйи кекса аёл мени тутиб, жазолашини ўйлаб қўрққанимдан ухлай олмадим. Эртаси куни газетасини бериш учун эшигига борганимда, одатдагидек самимий табассум билан ҳол-аҳволимни сўради. Аммо мен айбдорона қиёфада унинг юзига ҳам қараёлмасдим. Охири топган пулимни жамғариб, аёлга синган ойна учун тўлашни ўйладим.
Уч ҳафтадан кейин етти долларга етди жамғармам. Бир қоғозга “Ойнангизни синдирганим учун хижолатдаман. Умид қиламанки, бу пул янги ойна олиб қўйиш учун етади” деб ёздиму пул билан хатжилд ичига қўйдим. Кечки пайт қоронғу тушишини кутиб, хатжилдни кекса хонимнинг почта қутисига отдим. Бир зумда руҳим енгил тортди. Энди аввалгидек кекса хонимнинг кўзларига қарай олишимни ўйлаб ичим севинчга тўлди. Эртаси куни эшигига бориб, газетасини узатгандим ҳар доимгидек жилмайиб қаршилади мени. Мен ҳам унга жавобан кўзларига қарадим.
Шундоқ орқамга қайтганимда:
– Ҳой, бир дақиқа тўхтагин, хаёлимдан кўтарилди, бу қуробиялар (русчада: печенье) сенга дея қўлидаги халтани узатди. Уйдан узоқлашарканман мазза қилиб қуробияларни ея бошладим. Бир нечта ширинлик еганимдан сўнг халтада бир хатжилдга кўзим тушди. Ичида қисқа жумла илова қилинган етти доллар бор экан: “Сен билан фахрланаман!”.
Туркчадан Умида АДИЗОВА таржимаси
Манба: Azon.uz «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Толибон” Афғонистоннинг Хост вилоятида беш нафар фуқарони қамчи билан жазолади
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Германияда мактаб ўқувчилари оммавий равишда ислом динини қабул қилмоқда
Зоир Мирзаев “Телефонсиз мактаб”га 300 млн сўм мукофот берди
Велосипедда сайр қилиш учун 3 сабаб: ёшартиради, оздиради ва умрни узайтиради
Америкалик олимлар барча учун бирдек фойдали жисмоний фаоллик турини аниқлади