Ҳақиқий олим керак бўлса, ўз шогирдларидан ёхуд илм, обрў ва рутба жиҳатидан ўзидан анча пастроқда бўлган аҳли илмларнинг ҳам илмидан фойдаланаверади ва бундан асло ор қилмайди.
Зеро, фозилда бўлмаган нарса мафзулда бўлиши мумкин. Тарихда ўтган катта олимлар, буюк муҳаддис бобокалонларимиз худди шундай йўл тутганлар.
Мисол учун имом Бухорий раҳимаҳуллоҳ ҳадис талабидаги ўз тенгдошларидан ҳам баъзан ривоят қилганлар ва шу боис уларни ҳам ўз шайх ва устозларига қаторига киритганлар.
Буни қўйинг, баъзан ўз талабаларидан ёхуд иснод жиҳатидан ўзларидан паст табақада турувчилардан ҳам ривоят қилганлар. Эҳтимол, имом Бухорийни, имом Бухорий қилган нарса ҳам шудир аслида.
Илм йўлидаги бундайин тавозе ҳаммада ҳам топилавермайди. Усмон ибн Абу Шайба Вакийъ ибн ал-Жарроҳдан қуйидаги сўзларни ривоят қилади; "киши токи, мақом жиҳатидан ўзидан юқорида бўлганлардан, мартабаси тенг бўлганлардан ҳамда ўзидан қуйидагилардан ривоят қилмагунча олим бўлмайди".
Буюк бобомиз ва Ислом оламининг фахру ифтихори бўлган имом Бухорий ҳазратларидан ҳам мазмунан шундай сўз нақл қилинган. У киши айтадилар: "муҳаддис токи, ўзидан тепадагилардан, ўзи кабилардан ва ўзидан пастдагилардан ҳадис ёзмагунча комил (муҳаддис) бўлолмайди”.
Алишер СУЛТОНХЎЖАЕВ
Манба: Azon.uz «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Германия разведкаси раҳбари: “Россия яқин йилларда НАТОга ҳужум қилиши мумкин”
Ўзбекистонда онкологик касалликка чалинган аёллар бепул даволанади
Эрон Исроил билан кенг кўламли урушга тайёрлигини маълум қилди
Эрдўғон: “Туркия Ғазо можароси тугамагунча Фаластинни қўллаб-қувватлайди”
100 млн сўмгача бўлган кредитлар соддалаштирилган тартибда ажратилади
Организмда қайси турдаги витамин етишмаётганини қандай аниқлаш мумкин?
Грецияда минглаб одамлар НАТОга қарши намойиш ўтказди
Медведев Россия НАТО ҳарбий базаларига зарба йўллаши мумкинлигини истисно қилмади
