Сентябрь ойида старт берилган «Модул 5» лойиҳасининг 2019 йилдаги сўнгги сонида дзюдо бўйича Олимпиада ўйинлари совриндори Ришод Собиров, дизайнер Дилноза Умирзоқова, стартапчи Улуғбек Исматов, «Волонтёрлар мактаби» етакчиси Аъзамхўжа Расулов ҳамда «Cambridge» ўқув марказлари асосчиси Жаҳонгир Пўлатовлар ўз ҳаётий ва касбий тажрибаси билан бўлишдилар.
Таниқли спортчи Ришод Собиров ёшларга мақсад томон дадил қадам ташлаш зарурлиги ҳақида сўзларкан, шундай деди:
«Дўстларим мени тунги клублар, ресторанларга қўриқчиликка 200 - 300 доллар ойликка ишга чақиришарди, лекин мен ўз устимда ишлаш, дзюдо билан машғул бўлишни афзал билгандим. Шу вақтлар ойига юз минг сўм атрофида пул топардим. Қийин бўлган, албатта.
2008 йилда Олимпиада ўйинлари совриндори бўлганимда 100 минг доллар мукофот пули беришган. Ўша вақтда Бош вазир бўлган Шавкат Миромонович Мирзиёев қўнғироқ қилиб, қизғин табриклаганди.
Юз минг сўмга яшайдиган ёш спортчи йигитнинг ҳаётида бундай рағбат, мукофотга сазовор бўлиш ҳеч қачон ёддан чиқмайдиган хотира бўлиб қолган, шунда ҳатто туни билан пул санаб чиққанмиз».
Маълумот учун, "Модул 5" лойиҳаси Ўзбекистон Республикаси Президентининг 5 ташаббуси асосида Ўзбекистон Ёшлар иттифоқи томонидан ташкил этилган лойиҳа ҳисобланади. Мотивацион платформа доирасида шу вақтга қадар спортчилар Шаҳрам Ғиёсов, Элшод Расулов,Сарвиноз Қурбонбоева, бошловчилар Жамшид Умирзоқов, Отабек Маҳкамов, "Webster" университети талабаси, "Чегарасиз" лойиҳаси қаҳрамони Хайрулло Руҳиддинов, Ўзбекистон Республикаси Инновацион ривожланиш вазири ўринбосари Олимжон Тўйчиев иштирок этган.
"Модул 5" лойиҳаси муаллифлари 2020 йилда ҳам ушбу мотивацион майдонча Ўзбекистон ва жаҳонда машҳур ёшлар, ўз соҳасининг етук мутахассислари иштирокидаги нутқлар, шунингдек, бошқа янгиланишлар билан фаолиятини давом эттиришини маълум қилган. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда
Тошкентда 02 кодли авторақамлар тахминан қачон пайдо бўлиши айтилди
Эрон президенти жиддий баёнот берди: «Исроилдан ҳеч нарса қолмайди»
Ортиқча вазнли инсонлар учун соғлом овқатланишнинг бешта муҳим қоидаси
