Кўк чой кўплаб касалликлар, жумладан, инсульт ва саратон айрим турлари ривожланишининг олдини олишга ёрдам беради. Бу ҳақда Nihon Keizai нашри билан суҳбатда япониялик тадқиқотчи, қишлоқ хўжалиги фанлари доктори Еити Фукушима айтиб ўтди.
Мутахассиснинг сўзларига кўра, сўнгги йилларда ушбу маҳсулотга бағишланган эпидемиологик тадқиқотлар сони сезиларли даражада ошган.
«Бир қанча тадқиқотлар натижаларини бирлаштирган ва таҳлил қилган 2021 йилги мета-таҳлил шуни кўрсатдики, кўк чой истеъмоли жуда кўплаб касалликларнинг ривожланиши, шу жумладан, эндометрия, ўпка ва тухумдон саратони, шунингдек юрак-қон томир касалликлари ва инсультдан ўлим хавфи хавфини камайтиради», — деди Фукусима.
Унинг айтишича, бу кўк чой таркибида кўп миқдорда аниқланган катехинлар билан боғлиқ. «Кўк чой таркибидаги полифеноллар чой катехинлари деб аталади. Улар кучли антиоксидант таъсирига эга», — дея изоҳлади мутахассис.
Фукусима, шунингдек, чой катехинлари ёғлар парчаланиши ва ишлатилишида иштирок этадиган ферментларнинг фаоллигини ошириб, организмнинг ёғни энергия учун ишлатишини осонлаштириши ҳақида маълум қилган.
Шу билан бирга, беш ой истеъмол қилгандан сўнг ушбу маҳсулот таркибидаги катехинлар ва теанин грипп вируси билан касалланиш эҳтимолини камайтириши ҳам тасдиқланди, дея хулоса қилган у. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Велосипедда сайр қилиш учун 3 сабаб: ёшартиради, оздиради ва умрни узайтиради
Владимир Путин «Крокус»да содир этилган теракт учун ўч олишга чақирди
“Толибон” Афғонистоннинг Хост вилоятида беш нафар фуқарони қамчи билан жазолади
Тошкентда 02 кодли авторақамлар тахминан қачон пайдо бўлиши айтилди
Америкалик олимлар барча учун бирдек фойдали жисмоний фаоллик турини аниқлади
Россия дунёдаги биринчи водород ёқилғили автомобилни тақдим этди
Зоир Мирзаев “Телефонсиз мактаб”га 300 млн сўм мукофот берди
Мария Захарова украиналикларни Америка ҳиндуларига ўхшатди