Фото: Bloomberg
2023 йилда Европа Иттифоқи ялпи ички маҳсулоти илгари кутилган 0,1 фоизга пасайиш ўрнига 0,6 фоизга ўсади. Бу ҳақда Goldman Sachs инвестиция банкига таяниб Bloomberg хабар берди.
Таҳлилчиларнинг таъкидлашича, Европа Иттифоқи иқтисодиёти газ нархининг пасайиши ва Хитойда коронавирусга қарши чекловларнинг илгари бекор қилиниши туфайли рецессиядан қочишга муваффақ бўлди.
Goldman Sachs маълумотларига кўра, 2023 йил қишда Европа иқтисодиётининг ўсиши заифлигича қолади — ялпи ички маҳсулот атиги 0,1 фоизга ўсади. Шундан сўнг ўсиш 2023 йил охирига келиб 0,6 фоизгача тезлашади.
Goldman Sachs таҳлилчилари, шунингдек, 2023 йил охиригача ЕИ инфляцияси 3,25 фоизгача тушишини кутмоқда.
«Кучли фаоллик, мустаҳкам асосий инфляция ва агрессив шарҳларни ҳисобга олган ҳолда, биз Европа Марказий банки келгуси ойларда чораларни сезиларли даражада кучайтиришини кутмоқдамиз», дейилади Goldman Sachs баёнотида.
Декабрь ойида ECB Европа Иттифоқи нархларининг 2023 йилда 6,3 фоизга, 2024 йилда 3,4 фоизга ва 2025 йилда 2,3 фоизга ошишини прогноз қилди.
Халқаро валюта жамғармаси 2023 йилда Европа Иттифоқи давлатларининг ярми Россия ва Украина ўртасидаги уруш туфайли таназзулга юз тутиши мумкинлигини айтди.
Янги йил арафасида Financial Times таҳлилчилари ҳам Европа Иттифоқида рецессия муқаррарлиги ва ишсизлик ортиб бораётгани ҳақида ёзди.
Еврозонадан иқтисодчиларнинг тахминларини ўзгартирган асосий омил об-ҳавонинг аномал иссиқлиги (масалан, Берлинда янги йил арафасида ҳаво ҳарорати +15 даража) ва истеъмолнинг камайиши туфайли газ нархининг кескин пасайиши бўлди. Январь ойи бошида Европада газ нархи 2021 йил сентябр ойидаги қийматларга тушди.
Айни пайтда у 1 000 куб метр учун 700 доллардан паст нархда сотилмоқда — 2022 йилдаги энг юқори кўрсаткичдан беш баравар ва 15 февралдан кучга кириши мумкин бўлган Европа Иттифоқидаги газ нархлари чегарасидан 2,5 баравар паст.
Яна бир омил Хитойнинг «кашфиёти» эди. Пекин 8 январдан бошлаб мамлакатга коронавирус тести манфий бўлган саёҳатчилар учун мажбурий карантинни бекор қилди.
2022 йил декабрь ойида Хитой ҳукумати маҳаллий иқтисодиётнинг ривожланишига тўсқинлик қилаётган айрим чекловларни ҳам олиб ташлади. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Энди ҳайдовчилар қайси “заправка”ларда газ борлигини онлайн тарзда билиши мумкин
КХДР Украинадаги уруш учун Россияга снарядлар етказиб бермоқда
Шимолий Корея «янги давр» бошланганини эълон қилди
Кузда иммунитетни яхшилаш учун нималар истеъмол қилиш керак?
Ҳарвард талабалари смарт кўзойнак ёрдамида бегоналарнинг шахсини аниқлашга муваффақ бўлди
Эрон олий раҳбари Яқин Шарқни Исроилга қарши исён кўтаришга чақирди
Карвахални “синдирган” рақиби унга мурожаат қилди...
Гватемалада ўзбек мигрантлари контрабандаси билан шуғулланган полициячилар ҳибсга олинди
