Фото: Энергетика вазирлиги
Озарбойжоннинг Боку шаҳрида бўлиб ўтаётган COP29 анжумани доирасида Ўзбекистон Энергетика вазирлиги ва Бирлашган Араб Амирликларининг Masdar компанияси ўртасида Навоий вилоятининг Учқудуқ туманида қуввати 1000 МВт бўлган шамол электр станциясини қуриш лойиҳасини амалга ошириш бўйича шартнома имзоланди.
Мазкур электр станция қурилиш жараёнида 600-800 та янги иш ўрни яратилади. Лойиҳани амалга ошириш натижасида йилига 3,5 млрд кВт/соат электр энергиясини ишлаб чиқарилади, 1 млрд куб метр табиий газ захиралари тежалади.
Мазкур шамол электр станциясини қуриш орқали атмосферага чиқариладиган чиқиндиларни йилига 1,4 млн тоннага камайтиришга эришилади.
Ўзбекистон ва Masdar компанияси ҳамкорлигида шу пайтгача умумий қуввати 1497 МВт бўлган лойиҳалар, жумладан, Зарафшонда шамол электр станцияси (500 МВт) ва Карманада (100 МВт), Ғаллаоролда (220 МВт), Каттақўрғонда (220 МВт) ва Шерободда (457 МВт) қуёш электр станциялари фойдаланишга топширилди.
Бундан ташқари, Бухоро вилоятининг Олот туманида (250 МВт) ва Қашқадарё вилоятининг Ғузор туманида (300 МВт) қуёш электр станциялари қурилмоқда. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
22 ноябрь куни Cobalt автомобилига шартнома очилиши эълон қилинди
Дунёнинг машҳур аёллари кунни қандай бошлайди?
Глобал очлик ва қашшоқликка қарши кураш алянсига 82 мамлакат аъзо бўлди
Ким Чен Ин ҳарбийларни жанговар ҳолатда туришга чақирди
Йилнинг энг яхши пишлоғи аниқланди
ЕИ ва НАТО Трампга қарши туриш учун ҳамкорликни кучайтирмоқчи
Уйни харажатларсиз иситишнинг 10 та оддий усули
Тошкентда Traverse ва Equinox тўқнашувида икки киши жароҳатланди
