Хитой стратегик минераллар экспортига чекловлар киритди. Хитой АҚШнинг янги тарифларига жавобан, мудофаа, тоза энергия ва бошқа соҳаларда қўлланиладиган беш хил металл экспортига кенг қамровли чекловлар жорий қилди. Бу қадам Хитойнинг муҳим минераллар қазиб олиш ва қайта ишлашдаги устунлигини қўллашга бўлган навбатдаги уриниши сифатида баҳоланмоқда.
Хитой томонидан чекловга учраган минераллар:
Батарея, литий ва галлийни қайта ишлаш технологияси
Хитой илғор батарея компонентлари ва муҳим минераллар – литий ҳамда галлийни қайта ишлаш бўйича айрим технологиялар экспортини чеклашни таклиф қилган. Бу ўзгаришлар ҳали тўлиқ кучга кирмаган.
Сурма, галлий, германия
АҚШ Хитой чип саноатига босимни оширганидан сўнг, Пекин ушбу учта минерални АҚШга экспорт қилишни тақиқлади. Бироқ, сўнгги 18 ой ичида Хитой бу металларни экспорт қилиш учун лицензия тизимини жорий этган эди.
Нойоб ер магнит технологияси
2023-йил декабр ойида Хитой нойоб ер магнитларини ишлаб чиқариш технологиясини экспорт қилишни тақиқлади. Бу металлар электр автомобиллари, шамол турбиналари ва электроника учун муҳим ҳисобланади. Хитой глобал тозаланган маҳсулотнинг деярли 90% ини ишлаб чиқаради.
Графит
2023-йил октябр ойида Хитой айрим графит маҳсулотларини экспорт қилиш учун рухсатнома талаб қилди. Хитой жаҳондаги етакчи графит ишлаб чиқарувчи ва уни электр автомобил батареяларида ишлатиладиган материалга айлантириш бўйича 90% улушга эга. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
