7 февраль куни Президент Шавкат Мирзиёев раислигида ўтказилган видеоселектор йиғилишида хизмат кўрсатиш соҳаларини ривожлантириш бўйича асосий вазифалар муҳокама қилинди. Йиғилишда банклар автокредитлар учун автомобилларга қўлланиладиган чегирмаларни инобатга олишни бошлаши ҳақида маълумот берилди.
Такси соҳасига катта эътибор қаратилади. Йиғилишда такси агрегаторларидан бири 2 мингта автомобилни кредит орқали молиялаштириш ва 4 минг одамни иш билан таъминлаш таклифини билдиргани айтилди. Бу таклиф амалга ошса, замонавий таксилар сони ортиб, транспорт хизматлари яхшиланиши кутилмоқда. Бундай лойиҳалар учун банклар 1 триллион сўм кредит ажратишга тайёр.
Автосалонлар чегирмалари автокредитга ҳам татбиқ этилади
Ҳозирги кунда автосалонлар нақд тўловда харидорларга чегирмалар таклиф қилмоқда. Бироқ, амалдаги қоидаларга кўра, банклар кредит орқали сотиб олинган машиналар учун бу чегирмаларни инобатга олмайди. Йиғилишда ушбу чекловни бекор қилиш таклиф этилди. Агар банклар чегирмаларни ҳисобга олса, автокредитлар бўйича фоиз ставкаси 4 фоизга арзонлашиши мумкин. Шу боис, маҳаллий автомобиллар учун бу чекловни бекор қилиш муҳимлиги таъкидланди.
Транспорт соҳаси бўйича 2025 йил режалари
Йиғилишда 2025 йилда транспорт хизматлари ҳажмини 15 фоизга ошириб, 185 триллион сўмга етказиш, шунингдек, транспорт хизмати экспортини 2,2 миллиард долларга чиқариш вазифаси белгиланди.
Кредит бериш талаблари кучайтирилган
2024 йил 1 июлдан бошлаб, Ўзбекистонда аҳолига кредит бериш шартлари янада қатъийлаштирилди. Марказий банк қарз юки кўрсаткичини жорий этди, унга кўра, қарз олувчининг ўртача кредит тўловлари унинг ойлик даромадининг 60 фоизидан ошмаслиги лозим. Барча кредит ташкилотлари, шу жумладан микрокредитлар берувчилар ҳам ушбу чекловга риоя қилиши шарт. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
