21:38 / 11.09.2020
1 357

Қишлоқ хўжалиги ерларини ижарага беришнинг аниқ механизмлари белгиланмоқда

Қишлоқ хўжалиги ерларини ижарага беришнинг аниқ механизмлари белгиланмоқда
Сенатнинг 7-ялпи мажлисида «Қишлоқ хўжалиги учун мўлжалланган ерлардан ва ўрмон фонди ерларидан фойдаланиш самарадорлигини ошириш мақсадида Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонун маъқулланди.

Мазкур ҳужжат билан Маъмурий жавобгарлик тўғрисидаги кодекс, Ер кодекси, «Фермер хўжалиги тўғрисида»ги, «Деҳқон хўжалиги тўғрисида»ги, «Яйловлар тўғрисида»ги, «Ўрмон тўғрисида»ги, «Муҳофаза этиладиган табиий ҳудудлар тўғрисида»ги қонунларга ўзгартиш ва қўшимчалар киритиш белгиланмоқда.

Сенатор Баҳодир Тожиев қонун билан белгиланаётган асосий ўзгаришлар ҳақида маълумот берди.
«Ҳужжатда инвестициявий шартнома ёки давлат-хусусий шериклик асосида қишлоқ хўжалигида фойдаланишдан чиқиб кетган суғориладиган ерлар, шунингдек, лалми ерлар ва ўрмон фондининг фойдаланилмаётган ерларини ижарага беришнинг аниқ механизмлари белгиланмоқда.

Шунингдек, қонунда ерни ижарага бериш шартномаси муддатидан илгари бекор қилинса, ижарачи шартномада назарда тутилган муддат якунига қадар ердан фойдаланиш ҳуқуқига эга бўлиши кўрсатилган
», деди сенатор.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)