Оталик мажбуриятини бажаришдан бўйин товлаган ота

Бош прокуратура ҳузуридаги Мажбурий ижро бюроси органларида алимент ва бошқа моддий таъминот ундириш билан боғлиқ ишлар қизғин тус олмоқда.

Бюронинг Бағдод тумани бўлими иш юритувида 1.800 тадан ортиқ алимент ундируви билан боғлиқ ижро ҳужжатлари мавжуд.

Фуқаролик ишлари бўйича Риштон туманлараро судининг 2006 йил, 16 ноябрь кунги суд буйруғига асосан Г.Ж.дан фуқаро Г.У. фойдасига 1 нафар вояга етмаган фарзанди таъминоти учун алимент ундириш белгиланган эди.

Шунингдек суднинг 28.08.2018 йилдаги суд буйруғига асосан Г.Ж.дан фуқаро Д.Ш. фойдасига 1 нафар вояга етмаган фарзанди таъминоти учун алимент ундириш белгиланган.

Оталик мажбуриятини бажаришдан бўйин товлаган қарздор Г.Ж. 24 ой мобайнида икки нафар собиқ турмуш ўртоги Г. У ва Д.Ш. ларга жами 56.013.408 сўмлик алимент пулларини тўламаганлиги учун Жиноят ишлари бўйича Учкуприк тумани судининг 2022 йил 13-июндаги қарори билан Ўзбекистон Республикаси МЖтКнинг 47.4-моддаси 1-қисмидаги ҳуқуқбузарликни содир этган деб топилиб, унга нисбатан 15 сутка маъмурий қамоқ жазоси тайинланди.