Фарғонада солиқ қарздорлигини ундириш ишлари давом этмоқда

Мажбурий ижро бюроси Қўқон шаҳар бўлими иш юритувидаги Қўқон шаҳар Давлат солиқ инспекциясининг 16.05.2022 йил кунги қарорига асосан қарздор “Таъминот тижорат” ҚМЖ дан ундирувчи Қўқон шаҳар ДСИ фойдасига 38.000.000 сўм солиқ қарзи ундириш белгиланган бўлиб, олиб борилган мажбурий ижро ҳаракатлари давомида қарздор “Таъминот тижорат” ҚМЖ дан жами 38.000.000 сўм солиқ қарзи, 2.000.000 сўм ижро йиғими ундирилди.

Шунингдек, Бюронинг Олтиариқ туман бўлими иш юритувида Олтиариқ туман давлат солиқ инспекциясининг 30.05.2022 йилдаги қарздор "ATP-12" МЧЖ дан ундирувчи Олтиариқ туман ДСИ фойдасига 26.589.480 сўм солиқ қарздорлиги ундириш ҳақида ижро ҳужжати мавжуд.

Ижро ҳаракатлари жараёнида қарздорга қарздорликни ихтиёрий бартараф этиш учун 15 кунлик муддат берилган ва қарздор бу ҳақида хабардор қилиниб, мазкур муддат давомида қарздор томонидан қарздорлик бартараф этилмаган тақдирда мажбурий ижро ҳаракатлари амалга оширилиши жумладан ижро йиғими қўлланилиши ҳақида огоҳлантирилган.

Шундан сўнг, қарздор “ATP-12" МЧЖ ушбу огоҳлантирилишдан тегишли хулоса қилган ҳолда, солиқ қарздорлигини тўлиқ тўлаб берди.