Яшнободда яна 2 та оила яраштирилди

Бюронинг Яшнобод туман бўлими давлат ижрочилари томонидан “Оила- муқаддас даргоҳ уни тиклаш бурчимиздир” шиори остида тарғибот ишлари амалга оширилиб келинмоқда.

Мисол учун фуқаролик ишлари бўйича Миробод туманлараро судининг 13.05.2022 йилдаги суд буйруғига асосан қарздор О.Нурназаровдан ундирувчи Н.Мамараимова фойдасига вояга етмаган икки нафар фарзандлари таъминоти учун 1/3 қисми миқдорида алимент ундириш ҳақидаги ижро иши юритиш қўзғатилган.

Ундан ташқари фуқаролик ишлари бўйича Миробод туманлараро судининг 13.07.2009 йилдаги суд буйруғига асосан қарздор И.Гиёсовдан ундирувчи Д.Синдарова фойдасига вояга етмаган бир нафар фарзанди таъминоти учун 1/4 қисми миқдорида алимент ундириш ҳақидаги ижро иши юритиш қўзғатилган.

Мазкур ижро ҳужжати юзасидан тарафлар билан бўлим давлат ижрочиси М.Худойберганов ўртасида суҳбат олиб борилганда ҳамма оилада бўладиган муоммолар сабаб оила бузилиб кетганлиги фарзандлари ота меҳрига қолаверса бошқа ўртоғлари каби ота-онаси бағрида бир оила бўлиб яшаш бахтидан айрилиб мурғак қалби ўксиниб яшаб келаётганлигига гувоҳ бўлади.

Бюронинг Яшнобод туман бўлими давлат ижрочисининг саъйи ҳаракатлари билан томонлар билан самимий суҳбат олиб борилиб, савобли ишга қўл урилди яъни оилалар яраштирилди ва тикланди ҳозирда бахтли оилалар сафида биргаликда яшаб келмоқда. Бу каби тарғибот тадбирлари давом этмоқда.