810 млн. сўмлик иш ҳақлари ундириб берилди

Бугунги кунда давлат ижрочилари томонидан ишга тиклаш, иш ҳақларини ундириш билан боғлиқ ҳужжатлари ижросини таъминлаш борасида тегишли чора-тадбирлари кўриб келинмоқда. Жумладан, суд қарорлари асосида қонунга хилоф равишда ишдан бўшатилган 10 нафар шахслар ишга тикланди ва жами 661 нафар фуқаролар ҳамда 29 нафар юридик шахсларнинг ҳуқуқи тикланди.

Иш хақларини ундириш билан боғлиқ 172 та ижро ҳужжатларига асосан 810 млн. сўмдан ортиқ иш ҳақлари ундирилиб, ижро ҳужжатларининг ижроси тамомланди.

Фуқаролик ишлари бўйича Гулистон туманлараро судининг қарорларига асосан қарздор “Гулистон пахта тозалаш” АЖ ҳисобидан жами 25 нафар ундирувчилар фойдасига жами 100 000 000 сўм иш ҳақи ундириш тўғрисидаги ижро ҳужжати Бюронинг Гулистон тумани бўлими иш юритувига келиб тушган ва ижро иши юритишни қўзғатиш тўғрисида қарорлар қабул қилиниб, ижро ҳаракатларига киришилган.

Мажбурий ижро ҳаракатлари давомида, давлат ижрочисининг ундирувни қарздорнинг дебиторлик қарзига қаратиш тўғрисидаги қарорига асосан жами 100 000 000 сўм иш ҳақи пуллари тўлиқ ундирилиб, ундирувчиларнинг банк пластик карталарига ўтказиб берилиши таъминланди. Шунга кўра, ижро иши юритиш Қонуннинг 41-моддасига асосан амалда тамомланди.

Ижро ҳаракатлари давомида, 25 та суд қарорлари ижроси таъминланди ва 25 нафар фуқароларнинг ҳуқуқлари тикланди.