Навоийда маҳалла раисини ўлдиришга суиқасд қилган шахсга нисбатан суд ҳукми ўқилди

Жиноят ишлари бўйича Навоий вилояти Хатирчи туман суди биносида ўтказилган очиқ суд мажлисида маҳалла раисини ўлдиришга суиқасд қилган шаҳсга нисбатан жиноят иши кўриб чиқилди.

1974 йилда туғилган Ҳ.Қулматов (шахси ўзгартирилган) у муқаддам жиноят содир қилиб, ўзига тегишли хулоса чиқармага Ҳалилжон 2021 йил 8 ноябрь куни соат 18:35 ларда Хатирчи тумани, “Янгирабод” маҳалла фуқаролар йиғини, 302-уйдаги яшаш хонадонида спиртли ичимликлар истеъмол қилиб, маст ҳолда У.Муқимов (шахси ўзгартирилган)ни қасддан ўлдиришни режалаштириб, уйидаги ошхона пичоғи билан қуролланиб, Хатирчи тумани, “Янгирабод” маҳалла фуқаролар йиғини маъмурий биносига бориб, маъмурий бино ташқарисида турган маҳалла раиси У.Муқимовдан турмуш ўртоғи З.Қулматов ва фарзандларини уйига олиб келишни талаб қилиб, уни талабига рад жавобини берган У.Муқимовни қасддан ўлдириш мақсадида ўзи билан олиб борган ошхона пичоғини эгнидаги шимининг орқа чўнтагидан чиқариб, У.Муқимовни қорин соҳаси чап томонига бир марта санчган ва ошхона пичоғи билан навбатдаги зарбани беришга ҳаракат қилганида У.Муқимов ўз ҳаётини сақлаш учун қаршилик қилиб, воқеа жойидан қочгани сабабли, унинг ортидан қувлаб, ета олмасдан жиноий мақсадини ўзига боғлиқ бўлмаган ҳолда охирига етказа олмасдан қасддан одам ўлдиришга суиқасд қилган.

Суд, Ҳ.Қулматовни содир этган жиноятининг хусусияти ва ижтимоий хавфлилик даражасини, айбига қисман иқрор ва чин кўнгилдан пушаймонлигини, жабрланувчининг даъвоси борлигини, оилавий шароити инобатга олиб, Ўзбекистон Республикаси Жиноят кодекси
25,97-моддаси 1-қисмида назарда тутилган жиноятни содир қилганликда айбли деб топилиб, Судланувчи Ҳ.Қулматовга Ўзбекистон Республикаси ЖКнинг 60,61-моддалари тартибида тайинланган жазоларни қисман қўшиш йўли билан узил-кесил 10 (ўн) йилу 2 (икки) ойга озодликдан маҳрум қилиш жазоси тайинланди.

“Замин” янгиликларини “Инстаграм”да кузатиб боринг