Навоийда фарзандини сотган аёлга нисбатан суд ҳукми ўқилди

Жиноят ишлари бўйича Навоий вилояти Хатирчи туман суди биносида ўтказилган очиқ суд мажлисида фарзандини сотган аёлга нисбатан жиноят иши кўриб чиқилди.

2003 йилда туғилган Ҳ.Хурсандова (шахси ўзгартирилган) у фойдали меҳнат билан шуғулланмасдан, текин даромад орттириш мақсадини кўзлаб, жиноят содир этиш юлига кириб, «Одам савдоси, яъни ожиз аҳволдалиги, айбдорга моддий жихатдан ёки бошқа жихатдан қарам бўлган, ўн саккиз ёшга тўлмаганлиги айбдорга аён бўлган шахсга нисбатан одам сотиш» жиноятини, 2022 йил 29 январь куни соат 12 ларда Хатирчи тумани, “Галабек” маҳалласида жойлашган Тохир бобо чойхонасида ўзининг 14.12.2021 йилда туғилган вояга етмаган Хусанов Аброр Нормурот ўғлини З.Жўраевага 4.000 АҚШ доллари эвазига сотганида Департаментнинг Хатирчи туман бўлими, Хатирчи туман ИИБ, ДХХнинг Хатирчи туман бўлими ва Навоий вилоят ИИБ Т ва ЭҚКБ ходимлари томонидан ўтказилган тезкор тадбир давомида ашёвий далиллар билан ушланган.

Суд, Ҳ.Хурсандовани содир этган жиноятининг хусусияти ва ижтимоий хавфлилик даражасини, муқаддам судланмаганлигини, айбига иқрорлиги, қилмишидан чин кўнгилдан пушаймонлигини, оилавий шароити инобатга олиб, Ўзбекистон Республикаси Жиноят кодекси ЖКнинг 135-моддаси 3-қисми “а” бандида назарда тутилган жиноятни содир этганликда айбли деб топилиб, ЖКнинг 57-моддасини қўллаб, 5 (беш) йилга озодликдан маҳрум қилиш жазоси тайинланди.

«Замин»ни Telegram’да ўқинг!