Тошкент шаҳрида ҳавонинг ифлосланиши “жуда хавфли” даражага чиқди

3 январ куни Тошкент шаҳрида ҳаво ифлосланиши яна юқори даражага чиқди.

Ўзгидромет маълумотига кўра, тонги соат 8:00 ҳолатига пойтахт ҳавоси таркибидаги PM2,5 майда дисперсли зарралар 1 метр куб ҳавода 67,5 микрограммга етган. Бу – Жаҳон соғлиқни сақлаш ташкилоти тавсияларидан (5 мкг/м3) 19 баробарга кўпдир.

Шунга кўра, IQAir портали 3 январ тонгида Тошкент ҳавосининг сифат кўрсаткичини “хавфли” тоифага киритган эди.

Оқшомга яқин ҳаво ифлосланиши янада ортиб, соат 18:00 ҳолатига “жуда хавфли” тоифасига ўтди: 1 метр куб ҳаво таркибидаги PM2,5 концентрацияси 173 микрограммга етди. Бу – ЖССТ тавсия қилган меъёрий кўрсаткичдан 35 баробарга юқори.

Ушбу натижа билан Тошкент шаҳри 3 январ оқшомида дунё шаҳарлари орасида ҳаво ифлосланиши бўйича 2-ўринга чиқди.

Соат 20:50 ҳолатига PM2,5 зарралари 104 мкг/м3 даражада – “хавфли” тоифада қолмоқда.