Фото: Freepik.com
Мактабларда мобил телефонлардан фойдаланишни тақиқлаш болаларнинг ижтимоий ҳаёти ва ижодий қобилиятини яхшилаши мумкин. Бу ҳақда Лос-Анжелесдаги Калифорния университети олимларига асосланиб Healthday хабар берди.
Кузатувларга кўра, АҚШда 8 ёшдан 12 ёшгача бўлган болалар кунига ўртача олти соатни экранга тикилиб ўтказади. Ҳатто дарс пайти ва танаффусларда ҳам смартфонга тиним йўқ. Оқибатда болаларнинг ижтимоий мослашувчанлиги ва ижодий қобилияти ривожланмай қолиши мумкин — инсон зерикканида ижодий қобилияти ишлай бошлайди, смартфон болаларнинг (катталарнинг ҳам) зерикишига асло йўқ қўймайди...
«Болаларнинг 24/7 режимда смартфонда бўлиши — уларда яратувчанлик, ғоялар ва фикрлар ўйлаб чиқиш ҳисси уйғониши йўлидаги тўсиқдир», — дея таъкидланади тадқиқотда.
Ижтимоий тармоқлар болага онг ости таъсир кўрсатиши, улардаги хавотир ҳиссини кучайтириши мумкинлиги билан ҳам хавфли. Ўқилган ахборот моҳиятини юзаки тушунган бола дунёни душман сифатида қабул қилиши эҳтимоли йўқ эмас.
Тадқиқотчилар мактабларни мобил қурилмаларни тақиқлашга чақирмоқда, ота-оналарга эса кечки овқатдан сўнг ёки уйқудан аввал болалар учун экран вақтини чеклаш тавсия этилмоқда. Телефонсиз вақтни кўнгилли ўтказиш учун болаларга кўпроқ шароитлар яратиш ҳам муҳим восита, дейилади хабарда. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Диний қўмита Умра зиёратини ташкил қилиш учун 12 та турфирмага лицензия берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Хонанда Рухшона уйланмаган йигитга турмушга чиққани ҳақида сўзлаб берди
Ким Чен Ин Ғарбни Украинадан Россияга қарши фойдаланганликда айблади
