Истеъмолга яроқсиз 950 мингга яқин дори воситалари йўқ қилинди

Шу йилнинг 28 январь куни Шаҳрисабз туманидаги Ж.Чориевнинг яшаш хонадонида ўтказилган текширишда фуқаро сифатсиз дори воситаларини сақлаб келаётганлиги аниқланган.

Ҳисоб китобларга кўра, истеъмолга яроқсиз дори воситаларининг миқдори 11 минг 749 қутида жами 942 минг 709 дона бўлган.

Жиноят ишлари бўйича Китоб туман судининг 26.04.2024 йилдаги қарори билан Ж.Чориев Ўзбекистон Республикаси Маъмурий жавобгарлик тўғрисидаги Кодекснинг 165/1-моддаси айбли деб топилган.

Ҳуқуқбузардан ашёвий далил сифатида олиб қўйилган жами 76 млн. 260 минг сўмлик сақлаш муддати ўтган ва инсон саломатлиги учун жиддий хавф туғдириши мумкин бўлган дори воситаларини тегишли тартибда йўқ қилиш белгиланган.

Мажбурий ижро бюроси Қарши шаҳар бўлими ҳамда тегишли ташкилотлар иштирокида мазкур ижро ҳужжати ижроси таъминланди.

Шунингдек, судларнинг тегишли ижро варақаларига асосан 1000 қути тамаки ва спиртли ичимликлар ҳам тегишли тартибда йўқ қилинди. «Замин»ни Telegram’да ўқинг!