Ижтимоий тармоқларда пахта йиғим-теримига чиқмаган фуқароларга нафақа пули тўланмаслиги ҳамда мактаб ўқитувчиларининг пахта йиғим-терими ишларига одам чиқаришга мажбурлаш бўлаётгани ҳақида хабарлар тарқалди. Сенат ушбу ҳолатга муносабат билдирди.
Маълум қилинишича, тарқалган хабарлардаги ҳолатлар Одам савдосига қарши курашиш ва муносиб меҳнат масалалари бўйича миллий комиссияси томонидан назоратга олинган.
“Мазкур ҳолатлар зудлик билан ўрганилади ҳамда масъулларнинг фаолиятига ҳуқуқий баҳо берилиши таъминланади.
Шу каби ҳолатлар аниқланган тақдирда 1282 ёки 1092 қисқа рақамларига ёки @munosibmehnat_bot телеграм боти орқали мурожаат қилишингиз мумкин”, дейилади Сенат муносабатида.
Аввалроқ X тармоғи фойдаланувчиларидан бири педагогларга (қаерда, қайси мактабда экани очиқланмаган) пахта терими учун ҳар куни 2 кишидан одам топиб бериш мажбурияти қўйилаётганини маълум қилганди. Тармоқ фойдаланувчилари изоҳларда Қашқадарё ва Андижон вилоятларида ўқитувчилар шундай вазифасидан ташқари ишга жалб қилинаётганини ёзган.
Rost24 нашри эса Қашқадарё вилояти Шаҳрисабз туманидаги маҳаллалардан бирининг раиси экани айтилган шахснинг аудиосини тарқатди. Аудиодаги овоз эгаси “ҳурматли қишлоқдошлари”га мурожаат қилиб, ҳаммадан “тўғри тушунган ҳолда пахтага чиқиши”ни талаб қилган. Чиқмаганларга эса “бола пули” бериш тўхтатилишига шама қилинган.
Мактабгача ва мактаб таълими вазирлиги мажбурий меҳнатнинг ҳар қандай шаклига қатъий қарши экани, ўқитувчиларнинг пахта теримига жалб этилишини ноқонуний ҳолат деб ҳисоблашини маълум қилди.
Сенат, Пахта терими, Мажбурлаш ҳолатлари, Муносабат, Мажбурий меҳнат “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Дунёнинг машҳур аёллари кунни қандай бошлайди?
22 ноябрь куни Cobalt автомобилига шартнома очилиши эълон қилинди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Диний қўмита Умра зиёратини ташкил қилиш учун 12 та турфирмага лицензия берди
Хонанда Рухшона уйланмаган йигитга турмушга чиққани ҳақида сўзлаб берди
Халқаро жиноят суди Исроил бош вазири Нетаньяхуни ҳибсга олишга ордер берди
2026 йилда бўлажак мундиалнинг фаворитлари рейтинги тақдим этилди
Байденнинг рухсати урушнинг боришига қандай таъсир қилади?
