Энергетика вазирлиги биржа савдоларига чиқарилаётган кунлик автобензин ҳажми тўрт баробар оширилганини маълум қилди.
Совуқ ҳаво оқими натижасида айрим ҳудудлардаги автомобилларга газ тўлдириш компрессор шохобчалари (газ заправкалар) фаолиятига киритилаётган қисқа муддатли чеклов муносабати билан биржа савдоларига чиқарилаётган автобензин ҳажми вақтинчалик икки карра оширилгани ҳақида хабар берилган эди.
Вазирлик матбуот хизматининг билдиришича, 2024 йил 6 декабрь кунига қадар биржа савдоларига чиқарилаётган Аи-80 бензини ҳажми 2000 тоннани ташкил этган бўлса, ушбу миқдор 10 декабрдан бошлаб ўртача тўрт баробар оширилиб, ҳозирги вақтда 8000 тоннадан қўйиб борилмоқда.
Бундан ташқари, Аи-92 автобензинини биржа савдоларида сотиш ҳажми ҳам оширилиб, кунлик 4000 тоннага етказилди.
2024 йил 13 декабрь куни ҳам яна 8000 тонна Аи-80 бензини биржа савдоларига қўйилган бўлиб, унинг 7780 тоннаси харидорлар томонидан сотиб олинди.
“Биржа савдоларига жойлаштирилаётган автобензин ҳажмини талаб ва таклифдан келиб чиқиб янада ошириш имконияти мавжуд”, дейилади хабарда.
Биржа савдоларига чиқарилаётган Аи-80 бензини таклифи 8 куни ичида 4 бараварга ошганига қарамай, унинг нархида деярли ўзгариш бўлмади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Эртага Муроджон Аҳмадалиев профессионал боксдаги навбатдаги жангини ўтказади
Абдуқодир Ҳусановнинг трансфер баҳоси Роналдуники билан тенглашди, навбат Мессига(ми?)
Хорижлик мутахассислар учун 2024 йилдаги энг яхши шаҳарлар рейтинги эълон қилинди
Мактабларда қишки таътил қачондан бошланиши маълум қилинди
Ўзбекистон МДҲда энг яхши саёҳат йўналиши деб топилди
Ўзбекистонда яна об-ҳаво кескин совиши кутилмоқда
Аббосбек Файзуллаевнинг ҳам трансфер қиймати яхшигина ошди
Янги йил ярмаркалари қаерларда ташкил этилади?
