Жиззах вилояти ИИБ матбуот хизмати маълумотига кўра, интернет-фирибгар қўлга олинди.
Бир неча умумтаълим мактаблари ўқитувчилари ҳуқуқни муҳофаза қилиш органларига мурожаат қилиб, фирибгарлик қурбони бўлганликлари ҳақида хабар беришди. Жабрланувчиларга ўқитувчилар учун ўтказиладиган танловда иштирок этиш таклиф қилинган. Танловда ғолибларга 30, 20 ва 10 миллион сўмлик пул мукофотлари ваъда қилинган. Ушбу танлов ҳақидаги маълумот махсус яратилган Telegram-каналда эълон қилинган.
Жабрланувчилар танлов шартларини бажариб, дарс жараёнларини акс эттирган видеоларни фирибгарга юборишган. Фирибгар улар танловга мос келиши ҳақида айтган ва қатнашиш учун тўлов қилишни сўраган. Шу тариқа, жабрланувчилардан бири фирибгарга дастлаб 2 миллион, сўнгра яна 2,3 миллион сўм юборган. Фирибгар иккинчи тўловни олгач, ўқитувчини телевидениеда чиқишига ёрдам беришни ваъда қилган.
Ўтказилган тезкор тадбирлар натижасида ушбу жиноятда Қашқадарё вилояти Миришкор туманида яшовчи шахс айбдор эканлиги аниқланган. Унга нисбатан жиноят иши қўзғатилган. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
Тошкентда ғаройиб фирибгарлик содир этилди: “Ойи, мен аварияга учрадим”
Руҳий касалликлар шифохонасидаги ҳаёт: “Ҳеч бир сабабсиз хаста бўлаётганлар бор”
"Instagram"даги фирибгар жавобгарликка тортилди
Шавкат Мирзиёевнинг Ватан ҳимоячилари куни муносабати билан байрам табриги
Ўзбекистонда аэротакси хизмати жорий этилади
Зоминда тирик илон еган эркак жаримага тортилди
