Бухоро вилояти Ички ишлар бошқармаси хабарига кўра, 24-январ куни Пешку туманида яшовчи 1991-йилда туғилган аёл Вобкентлик эркакдан 30 минг доллар талаб қилгани учун қўлга олинди.
Аниқланишича, аёл 2019-йилдан буён эркак билан романтик муносабатда бўлиб келган ва у ҳақида интим фотосуратларга эга бўлган. Шунингдек, у ушбу суратларни унинг яқинларига тарқатмаслик эвазига 30 минг доллар талаб қилган.
Аёл олдиндан келишилган ҳолда 10 минг доллар миқдоридаги авансни олаётганда, ички ишлар органлари томонидан қўлга олинди. Пулга махсус кимёвий моддалар суртилган бўлиб, шантажчининг айби далиллар билан тасдиқланган.
Ҳозирда унга нисбатан Ўзбекистон Республикаси Жиноят кодексининг "Товламачилик" моддаси 3-қисми бўйича жиноят иши очилган. Аёл 15 йилгача қамоқ жазоси олиши мумкин.
“Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
