Фарғонада эркак маст танишини пичоқлаб ўлдирди

Фарғона вилоятининг Олтиариқ туманида эркак маст танишини пичоқлаб ўлдирди, деб хабар бермоқда Олий суд матбуот хизмати.

Ҳодиса кечаси содир бўлган. Эркак бильярд ўйнагандан сўнг, уйга маст ҳолда қайтган. Отаси эса унга агар яна бильярдга борса, уйга қўймаслигини айтган. Бир неча кундан кейин унга отасининг бильярдхонани текшириш учун ҳуқуқ-тартибот органларига мурожаат қилгани ҳақида миш-мишлар етиб келган.

Шундан сўнг у яна бильярдхонага бориб, дўстидан нега бундай гапларни тарқатганини сўраган. Дўсти эса унинг отасини "доносчи" деб атаган. Можаро авж олиб, маст танишларидан бири жанжалга аралашиб, унга ҳужум қилган.

Шунда эркак ёнида турган пичоқни олиб, уни кўкрак, қорин ва тиззасига санчган. Жабрланувчи шифохонага оғир аҳволда етказилган, бироқ шифокорларнинг саъй-ҳаракатларига қарамай, вафот этган.

Суд қарорига кўра, эркак Ўзбекистон Жиноят кодексининг 97-моддаси 1-қисми (Қасддан одам ўлдириш) бўйича айбдор деб топилди. Унга 10 йилдан 15 йилгача қамоқ жазоси берилиши мумкин. Бироқ суд ҳукми ҳақида батафсил маълумот берилмаган. «Замин»ни Telegram’да ўқинг!