Ўзбекистонда мактаб битирувчилари учун илмий олимпиада ташкил этилади ва ғолибларга Damas автомобили тақдим этилади, деб nova24.uz мактабгача ва мактаб таълими вазири Хилола Умаровага таяниб хабар берди.
Маълумотга кўра, апрель ойида Тошкент тўқимачилик ва енгил саноат институтида "Келажак ёш муҳандислари" номли илмий олимпиада ўтказилади. Унда фақат мактаб битирувчилари иштирок эта олади. Беллашувлар физика, математика ва кимё фанлари бўйича бўлади.
Мукофотлар қуйидагича белгиланган:
1-ўрин — Damas автомобили (3 та); 2-ўрин — 20 млн сўм (3 нафар ўқувчига); 3-ўрин — 10 млн сўм (3 нафар ўқувчига).
“Бундай лойиҳалар ўқувчиларимизни ўз устида ишлашга ундайди ва билимга бўлган қизиқишни оширади”, — деди Хилола Умарова.
Аввалроқ, халқаро фан олимпиадалари ғолибларига пул мукофотлари 5 баробарга оширилиши маълум қилинган эди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
