661
Тошкентда алимент тўлашдан қочиб юрган эркак ўз уйининг девори ортида яшириниб юрган ҳолда топилди, деб Nova24.uz хабар берди.
Мирзо-Улуғбек тумани фуқаролик ишлари судининг 2023 йил 5 майдаги қарорига асосан, мазкур шахс фарзандларига даромадининг ярмини алимент сифатида тўлаб бориши керак эди. 2023 йил 8 июлда Яшнобод туман БПИга ижро варақаси юборилган.
2024 йил апрелидан буён у қидирувда бўлган. Ҳуқуқ-тартибот органлари томонидан ўтказилган тезкор тадбирлар натижасида у ўз уйининг ташқи деворида яшириниб юрган жойидан топилди.
Мужожат бўйича 47-1-модда (ота-онанинг ғамхўрлигисиз қолган болалар ҳақида маълумот бермаслик) бўйича маъмурий баённома тузилиб, иш судга юборилган. Суд қарорга асосан уни 15 суткага маъмурий қамоққа ҳукм қилди. Шундан сўнг қариндошлари томонидан 54 млн 562 минг сўм миқдоридаги алимент қарзи тўлаб берилди. «Замин»ни Telegram’да ўқинг!
Кеча, 17:32
